Qiymət təklifi al

Müştəri, sifariş və anbar uçotu

CRM və ERP sistemlərinin hazırlanması

Müştəriləri, sifarişləri və anbarı Excel cədvəllərindən və dəftərlərdən bir sistemə köçürürük. Sistemi sizin iş qaydanıza görə yazırıq və mərhələlərlə təhvil veririk.

Sorğu göndər Qiymətlər
  • 2022 ildən işləyirik
  • 120+ tamamlanmış layihə
  • 70 müştəri
  • 15 nəfərlik komanda
  • 6 ölkədən müştəri

CRM, ERP və hazır proqramlar

CRM müştəri ilə işi bir yerə yığır: zənglər, sorğular, sifarişlər və satışın mərhələləri. ERP daha geniş götürür və anbarı, alışı, kassanı, işçiləri və hesabatları da əhatə edir. Kiçik biznesdə çox vaxt ikisinin qarışığı lazım olur, məsələn, mağaza üçün satış və anbar proqramı.

Hazır proqramla tez başlamaq olur, amma iş qaydanızı ona uyğunlaşdırmalı olursunuz və hər istifadəçi üçün aylıq ödəyirsiniz. Fərdi sistemdə ekranlar və hesabatlar sizin prosesinizə görə qurulur, mənbə kodu isə sizdə qalır. Terminləri və seçim qaydasını CRM və ERP yazımızda ətraflı izah etmişik.

Müştərilər sorğunu saytdan göndərirsə, sayt və sistem eyni bazaya bağlanır və sorğu birbaşa menecerin qarşısına düşür. Saytınız hələ yoxdursa, sayt hazırlanması ilə eyni layihədə başlamaq olar. İstifadəçi hesabları, moderasiya və admin panel üzərində təcrübəmizi Hirex.az və Icare24.az layihələrində görə bilərsiniz.

Sistemdə nələr ola bilər

  • Müştəri bazası

    Hər müştərinin əlaqə məlumatları, sifariş tarixçəsi, qeydləri və xatırlatmaları bir kartda. Menecer dəyişəndə tarixçə itmir.

  • Sifariş və satış

    Sifarişin statusu, cavabdeh işçi və ödəniş. Satışın mərhələlərini öz prosesinizə görə adlandırırsınız.

  • Anbar uçotu

    Mədaxil, məxaric, qalıqlar və bir neçə anbar. Hansı malın az qaldığını sistem siyahıda göstərir.

  • Kassa və hesabatlar

    Gündəlik satış, gəlir, xərc və işçilərin nəticələri. Hesabatları Excel faylı kimi yükləmək olur.

  • Giriş hüquqları

    Menecer, anbardar və rəhbər hərəsi öz bölməsini görür. Hər dəyişikliyin kim tərəfindən edildiyi yazılır.

  • Sayt və tətbiqlə əlaqə

    Saytdan gələn sorğular, onlayn mağazanın sifarişləri və mobil tətbiq eyni bazaya düşür.

CRM və ERP qiyməti

Fərdi sistemlərin qiyməti 5 000 AZN-dən başlayır. Yekun rəqəmi texniki tapşırığa baxıb deyirik, qiymət təklifi pulsuzdur.

  • Fərdi CRM və ERP

    5 000 AZN-dən

    1–2 ay və daha çox, mərhələlərlə

    Birinci mərhələdə əsas modullar işə düşür, qalanları növbəti mərhələlərdə əlavə olunur.

    • Müştəri bazası və sifarişlər
    • Anbar və ya kassa modulu
    • Rollar və giriş hüquqları
    • Hesabatlar
    • Köhnə cədvəllərdən məlumatların köçürülməsi
    Sorğu göndər

Qiymətə nə təsir edir

  • Modulların sayı: müştərilər, sifarişlər, anbar, kassa, hesabatlar
  • İstifadəçi rollarının və hüquqların sayı
  • Sayt, onlayn mağaza və ya mobil tətbiqlə əlaqə
  • Köhnə məlumatların həcmi və vəziyyəti
  • Hesabatların sayı və mürəkkəbliyi

Sistemi necə qururuq

  1. Prosesin öyrənilməsi

    İşçilərinizlə danışırıq, sorğunun, sifarişin və malın yolunu addım-addım yazırıq. İndi istifadə etdiyiniz cədvəllərə və formalara baxırıq.

  2. Texniki tapşırıq və qiymət

    Modulları, rolları və hesabatları sənədə yığır, işi mərhələlərə bölürük. Sənədə əsasən qiyməti və müddəti hesablayırıq, müqavilə bağlayırıq.

  3. Birinci mərhələ

    Ən çox vaxt aparan iş üçün modulu birinci qururuq, adətən müştəri bazası və sifarişlər. Bütün layihə 1–2 ay və daha çox çəkir.

  4. Məlumatlar və təlim

    Köhnə cədvəllərdəki müştəriləri və malları sistemə köçürür, işçilərə sistemdə necə işləməyi göstəririk.

  5. Növbəti mərhələlər və dəstək

    İşçilərin rəyinə görə yeni modulları əlavə edirik. Sistem serverimizdə qaldığı müddətcə texniki dəstək pulsuzdur, 24/7.

Sizdən nə lazımdır

  • Prosesi tanıyan əməkdaş

    Satışı və anbarı yaxşı bilən bir nəfər. Suallarımıza o cavab verir, aralıq versiyanı da o yoxlayır.

  • Mövcud cədvəllər və sənədlər

    Excel faylları, qaimə və hesab-faktura nümunələri, indi istifadə etdiyiniz hesabat formaları.

  • Rollar və hüquqlar

    Kim nəyi görür və nəyi dəyişə bilir: menecer, anbardar, mühasib, rəhbər.

  • Əlaqəli sistemlər

    Sistem sayt, onlayn mağaza və ya başqa proqramla əlaqələnəcəksə, onların girişləri və sənədləri.

Portal layihələrimiz

Bütün layihələr

CRM və ERP haqqında suallar

CRM nədir?

CRM müştərilərlə işin uçot sistemidir: əlaqə məlumatları, sorğular, sifarişlər və satış mərhələləri bir yerdə saxlanılır. Menecer dəyişəndə də müştərinin tarixçəsi itmir.

ERP nədir və CRM-dən nə ilə fərqlənir?

ERP şirkətin bütün resurslarını əhatə edir: anbar, alış, istehsal, kassa və işçilər. CRM onun müştəri və satış hissəsidir. Kiçik biznes çox vaxt CRM və anbar modulu ilə başlayır.

CRM sistemi hazırlamaq neçəyə başa gəlir?

Fərdi CRM və ERP sistemləri 5 000 AZN-dən başlayır. Yekun qiymət modulların, rolların və inteqrasiyaların sayından asılıdır. Texniki tapşırığa baxıb pulsuz qiymət təklifi veririk.

Sistemin hazırlanması nə qədər vaxt aparır?

Adətən 1–2 ay və daha çox. Sistemi mərhələlərlə təhvil veririk: birinci modullarla işləməyə başlayırsınız, qalanları sonra əlavə olunur.

Mağaza üçün anbar və satış proqramı hazırlayırsınız?

Bəli. Mallar, qalıqlar, satış və hesabatlar bir sistemdə olur. Onlayn mağazanız varsa, sifarişlər birbaşa həmin bazaya düşür.

Hazır proqram almaq, yoxsa fərdi sistem sifariş etmək?

Prosesiniz standartdırsa və istifadəçi azdırsa, hazır proqram ucuz başa gələ bilər. İş qaydanız xüsusidirsə, bir neçə proqramı birləşdirmək lazımdırsa və ya istifadəçi sayına görə aylıq ödəniş artırsa, fərdi sistem sərfəli olur.

Məlumatlarımız kimdə qalır?

Sizdə. Mənbə kodunu və bütün girişləri təhvil zamanı veririk. Sistem bizim serverimizdə işləyəndə ehtiyat nüsxələri müntəzəm çıxarırıq.

Sistemi sonradan dəyişmək olar?

Bəli. Mənbə kodu sizdə olduğu üçün yeni modul və hesabatları istənilən vaxt əlavə etmək olur. İşi mərhələlərlə qurmağımızın bir səbəbi də budur: işçilər sistemlə işlədikcə nəyin lazım olduğu aydınlaşır.

Digər xidmətlər

Bütün xidmətlər

Sorğu göndərin

Adınızı və nömrənizi yazın, özümüz zəng edək.

Nə lazımdır?